आंबेगाव वसाहत येथील यशवंतराव चव्हाण माध्यमिक विद्यालय व जिल्हा परिषद प्राथमिक शाळा यांनी संयुक्तपणे 'यशवंत सांस्कृतिक महोत्सवा' चे आयोजन केले होते.
सांस्कृतिक महोत्सवाचे उद्घाटन प्रकाशराव घोलप मा . सभापती व सरपंच प्रमिला घोलप यांच्या हस्ते करण्यात आले.
या प्रसंगी उपसरपंच परविन पानसरे ग्रामपंचायत सदस्य पुनम घोलप , मिलिंद भांगरे , विजय घोलप , युवराज तारडे , अनिता विरणक विमल काठे , राजू पानसरे उपस्थित होते .
या सांस्कृतिक महोत्सवात 200 विद्यार्थ्यांनी सहभाग घेऊन महाराष्ट्राची लोकधारा हा बहारदार कला अविष्कार व नृत्य अविष्कार सादर केला .
प्राथमिक व माध्यमिक शाळेतील विद्यार्थ्यांनी देशभक्तीपर गीते , विविध प्रांतांच्या लोककला , लावणी नृत्य , कोळीगीते , भजन, भारुड यामधून विद्यार्थ्यांनी आपली कला सादर केली.
गणपती आराधना , युगे युगे विटेवरी, माझ्या देवाक काळजी रे , लल्लाटी भंडार, गणा धाव रे,नटरंग उभा, वासुदेव गीत, आम्ही ठाकरं ठाकरं, कशी मी जाऊ मथुरेच्या बाजारी, बाईपण भारी देवा बाई पण भारी रे , फिर भी दिल है हिंदूस्थानी या गाण्यांवर विद्यार्थ्यांनी नृत्य अविष्कार सादर केले. 'बंड्याच पोट दुखतय ' ह्या नाटकाने प्रेक्षकांची वाहवा मिळविली .
यशवंत कला महोत्सवाचे नि रेयोजन मुख्याध्यापिका शर्मिला कोकणे , माणिक हुले,वैशाली काळे, लक्ष्मी वाघ,संजय वळसे,वैभव गायकवाड,गौरी विसावे, राधिका शेटे , जयश्री मिडगे , मिनाक्षी रायबोले , पुनम डोके , संतोष पिंगळे ,सुभाष साबळे,गुलाब बांगर,लक्ष्मण फलके यांनी केले.
कार्यक्रमाचे सूत्रसंचलन विभाग प्रमुख वंदना मंडलिक यांनी केले. विद्यालयाचे मुख्याध्यापक श्री. अविनाश ठाकुर यांनी सर्वांचे आभार मानले.
आंबेगाव प्रतिनिधी आकाश भालेराव
