पोटातील महाशिरेच्या कर्करोगाच्या गाठीची दुर्मिळ शस्त्रक्रिया यशस्वी
जगभरात आतापर्यंत अशा केवळ चारशे शस्त्रक्रिया झाल्या आहेत
शस्त्रक्रियेदरम्यान ती गाठ महाशिरेपासून निघून पोटात यकृत, किडनी अशा महत्वाच्या अवयवांपर्यंत पोहोचली होती. महाशिरेतील प्रचंड रक्तस्त्राव नियंत्रित करत डॉ. समीर गुप्ता, डॉ. पंकज क्षीरसागर, डॉ. संकेत बनकर व डॉ.सुयश अग्रवाल ह्या कॅन्सरसर्जनच्या चमूतर्फे गाठ काढण्यात आली. गाठीबरोबर महाशिरेचा सुमारे आठ सेमी. लांबीचा तुकडा काढावा लागला. नंतर तो भाग कृत्रिम रक्तवाहिनीने (PTFA graft) जोडण्यात व किडनीच्या रक्तवाहिनीला पुनर्स्थापित करण्यात व्हॅसक्यूलर सर्जन डॉ. हर्षवर्धन ओक व डॉ. नुपूर सरकार ह्यांना यश आले. सुमारे दहा तास चाललेल्या ह्या गुंतागुंतीच्या शस्त्रक्रियेला तेवढ्याच शिताफीने डॉ. स्मिता जोशी ह्यांच्या टीमने भूल दिली. पेशंटला नंतर चार दिवस ICU मध्ये ठेवण्यात आले होते. गाठीचे निदान करण्यासाठी रेडिओलॉजीचे विभागप्रमुख डॉ. राजेश कुबेर व सहकारी ह्यांची मोलाची मदत झाली तसेच गाठीची तपासणी पॅथॉलॉजी विभागात डॉ. चारुशीला गोरे ह्यांच्या मार्गदर्शनाखाली करण्यात आली. या शस्त्रक्रियेसाठी महात्मा फुले जनआरोग्य योजनेची मदत लाभली असून या यशस्वी शस्त्रक्रियेमुळे रुग्णाचा कर्करोगाचा धोका पूर्ण पणे टाळला आहे. या रुग्णाला घरी सोडण्यात आले तेव्हा रुग्ण व नातेवाईक खूप भावनिक झाले होते.
