सोलापूर ग्रामीण पोलिसांच्या स्थानिक गुन्हे शाखेच्या पथकाने धडाकेबाज मोहीम पार पाडली आहे.
अंमली पदार्थ मेफेड्रोन व ड्रग्स तयार करणाऱ्या आंतरराज्य टोळीचा मुख्य सूत्रधार जेरबंद करण्यात आला आहे.
ही कारवाई सोलापूर जिल्ह्यात मोहोळ पोलीस ठाण्याच्या हद्दीत पुणे- सोलापूर महामार्गावर देवडी पाटी येथे करण्यात आली.
कारवाईत 6 कोटी 2 लाख रुपयांचा एमडी नावाचा अंमलीपदार्थ या आढळला आहे. पोलीस अधीक्षक शिरीष सरदेशपांडे, स्थानिक गुन्हे शाखेचे पोलीस निरीक्षक सुरेश निंबाळकर यांच्या मार्गदर्शनाखालील पथकाने ही कारवाई केली.
