शरद पवार गटाने पटेलांची खासदारकी रद्द करण्याची केली मागणी
राष्ट्रवादीत फूट पडल्यानंतर राष्ट्रवादी कोणाची यावरून निवडणूक आयोगासमोर सुनावणी सुरू आहे. खासदार प्रफुल्ल पटेल यांची खासदारकी रद्द करण्याची मागणी पत्राद्वारे शरद पवार गटाने राज्यसभा अध्यक्षांकडे केली. याला प्रत्युत्तर म्हणून अजित पवार गटाने लोकसभेतील सुळे, कोल्हे यांना सोडून श्रीनिवास पाटील, फैजल मोहम्मद यांची खासदारकी रद्द करण्याची मागणी केली. राज्यसभेतील खासदार शरद पवारांना वगळून फौजिया खान, वंदना चव्हाण यांची खासदारकी रद्द करण्याची मागणी केली.
