निवडणूक प्रचाराला आलाय रंग, प्रदिप झणझणे मात्र शेतक-यांच्या समस्या सोडवण्यात दंग
फलटण तालुक्यातील झिरपवाडी गावातील लक्ष्मी माता मंदिर डिपी नादुरुस्त झाला असलेबाबतची तक्रार शिवसेना (उद्धव बाळासाहेब ठाकरे) गटाचे फलटण तालुका प्रमुख प्रदिप झणझणे यांचेकडे केली होती. सदर तक्रारीनंतर शिवसेना फलटण तालुका प्रमुख प्रदिप झणझणे यांनी सर्व शेतक-यांसह वीज वितरण उपविभागीय कार्यालयात जाऊन फलटण विभागाचे सह मुख्य अभियंता गणेश जमाले व कोळकी विभागाचे अधिकारी खैरमोडे यांची भेट घेतली व त्यांना सविस्तर माहिती देऊन तात्काळ डिपी बसवण्याची मागणी केली. त्यानुसार तात्काळ डिपी बसवण्यात आल्याची माहिती झिरपवाडी शेतक-यांनी दिली.
शिवसेनेच्या मागणीची गांभीर्याने दखल घेत व सातत्यपूर्ण पाठपुराव्यानंतर वीज महावितरणकडुन दिनांक 23 एप्रिल 2023 रोजी सदर डिपी तात्काळ बसवण्यात आल्याची माहिती झिरपवाडी शेतक-यांच्यावतीने देण्यात आली. फलटण तालुका कृषी उत्पन्न बाजार समिती निवडणूकीत शिवसेना (उद्धव बाळासाहेब ठाकरे) पक्षाचे तालुका प्रमुख प्रदिप झणझणे हे उभे आहेत. सर्वच पक्षांकडुन प्रचार जोरदार सुरु आहे. एकीकडे निवडणूक प्रचार रंगात आला असतानाही दुसरीकडे प्रदिप झणझणे मात्र त्यातुनही वेळ काढत शेतक-यांच्या समस्या सोडवण्यात दंग आहेत हे प्रकर्षाने जाणवत आहे व दिसुन येत आहे.
शिवसेनेच्या माध्यमातून प्रदिप झणझणे मागील प्रदीर्घ कालावधीपासुन महावितरणच्या विरोधात फलटण तालुक्यातील शेतक-यांच्या न्याय्य हक्कांसाठी लढत आहेत व शेतक-यांना न्याय मिळवून देण्याचे कार्य करत आहेत. त्यामुळे शेतक-यांमध्ये समाधान असल्याची भावना फलटण तालुक्यातील शेतकरी व्यक्त करत आहेत.
