आमदार राजेश पाडवी यांच्या प्रयत्नाने हातोडा तळोदा पाणी पुरवठा मार्ग मोकळा
केंद्र शासन पुरस्कृत अमृत २.० अभियानाअंतर्गत तळोदा शहराला पाणी पुरवठा प्रकल्प म्हणून प्रशासकीय मान्यता मिळाली असून त्यासाठी शासनाने २९ कोटी ५० लक्ष रुपयाची मान्यता नगर विकास विभागाने दिलेली आहे. त्यामुळे २००७ पासुन मंजुरीचा प्रतीक्षेत असलेली हातोडा तापी पाणी पुरवठा योजना पूर्णत्वास येण्याचा मार्ग मोकळा झालेला आहे. सन २००९ साली तापी नदीतून पाणी पुरवठा करण्यासाठी आदिवासी विकास विभागाने हातोडा तापी पाणी पुरवठा योजनेसाठी २ कोटी रुपयाचा निधी दिला होता. त्यातून जल शुद्धीकरण केंद्र व पाण्याचा टाकीचे काम पूर्ण करण्यात आले होते. आमदार राजेश पाडवी नगराध्यक्ष अजय परदेशी आम्ही गुजरात सरकार महाराष्ट्र शासनाकडे वेळोवेळी पाणीपुरवठा योजना पूर्णत्वास येण्यासाठी पाठपुरावा केलेला असून नगर विकास विभागाने केंद्र शासनाच्या राज्य जलकृती आराखड्यात तळोदा नगर पालिकेच्या पाणी पुरवठा प्रकल्पाचा समावेश करून त्यास १७ मार्च २०२३ रोजी प्रशासकीय मान्यता दिली असून तापी नदीतून पाणी उचलण्यासाठी जेक्वेल व्यवस्था करणे पाईप लाईन टाकणे वीजपुरवठा जल शुधीकरन करणे आदी कामांना समावेश करण्यात आलाआहे. लवकरच कामाला सुरुवात होवून तापी पाणी पुरवठेचा लाभ तळोदेकर जनता घेईल.
