कृषि उत्पन्न बाजार समिती,नंदुरबार अंतर्गत कापुस खरेदी केंद्र,पळाशी येथे भारतीय कपास निगम (सी.सी.आय.) मार्फत कापुस खरेदी शुभारंभ
नंदूरबार :- केंद्रप्रभारी गणेश सोनुणे यांच्या शुभहस्ते करण्यात आले, कापुस केंद्र, पळाशी येथे 130 वाहनांमधुन कापुस विक्रीस आला व साधारणतः 1000 क्विंटल कापुस आवक विक्रीस आला होता. चांगल्या प्रतीच्या कापसाला ₹ 8250 ते 8400 रुपये पर्यंत दर सीसीआय मार्फत देण्यात आला. शेतकरी बांधवांनी आपला कापुस स्वच्छ व कोरडा करून विक्रीस आणावा तसेच भारतीय कपास निगम (सीसीआय) मार्फत खरेदी केलेल्या कापसाचे चुकारे संबंधित शेतकरी यांचे बॅंक खात्यावर कुठलीही कपात न करता 3 ते 4 दिवसात जमा होणार असून शेतकरी बांधवांनी चांगल्या प्रतीचा कापुस परस्पर विक्री न करता बाजार समितीचे अधिकृत केंद्रावर विक्री करावा असे आवाहन केंद्रप्रभारी गणेश सोनुणे यांनी केले आहे. याप्रसंगी भारतीय कपास निगम (सी.सी.आय.)चे प्रतिनिधी, के.एल. बघेल व मंगेश किटुकले तसेच परवानाधारक खरेदीदार अशोक चौधरी, गोविंद अग्रवाल, प्रकाश अग्रवाल, शिरिष अग्रवाल तसेच बाजार समितीचे कर्मचारी जितेंद्र पाटील व कालुसिंग वळवी आदी उपस्थित होते. कार्यक्रमाचे नियोजन योगेश अमृतकर सचिव कृषि उत्पन्न बाजार समिती, नंदुरबार यांनी केले होते.
