अपघातग्रस्त वाहनचालकाला रुग्णालयातदाखल
मुरबाडच्या दौऱ्यावर असताना केंद्रीय पंचायती राज राज्यमंत्री कपिल पाटील यांना बापसईजवळ टेम्पोला अपघात झाल्याचे दिसले. त्यांनी तत्काळ आपली गाडी थांबवून जखमींना मदतीसाठी धाव घेतली. या अपघातात जखमी झालेले टेम्पोचालक सोमनाथ गवाळे यांना ताफ्यातील गाडीत बसवून गोवेली येथील प्राथमिक आरोग्य केंद्रात तत्काळ दाखल केले. तेथील डॉक्टरांनी प्राथमिक उपचार केल्यानंतर, डॉक्टरांच्या सल्ल्यानुसार उल्हासनगर येथील मध्यवर्ती रुग्णालयात सोमनाथ गवाळे यांना हलविण्यात आले. तसेच तेथील डॉक्टरांना दूरध्वनीवरून आवश्यक उपचार करण्याची विनंती केली.
