कर्नाटक निवडणुकीच्या रिंगणात उतरला भिकारी
कर्नाटक विधानसभा निवडणुकीच्या रणधुमाळीत एक ट्विस्ट पाहायला मिळाला आहे. या विधानसभा निवडणुकीसाठी एका भिक मागणाऱ्याने व्यक्तीने आपला अपक्ष उमेदवारी अर्ज दाखल केला आहे. यंकप्पा असे यादगिरी मतदारसंघातून अर्ज दाखल करणाऱ्या भिकाऱ्याचे नाव आहे. गुरुवारी यंकप्पाने भीक मागून जमवलेले 10 हजार रुपये डिपॉझिट म्हणून जमा करत आपला उमेदवारी अर्ज दाखल केला. यामध्ये यादगिरी मतदारसंघातच भीक मागून जमा केलेल्या नाण्यांचा समावेश आहे.
