माधव संस्कार केंद्रा अंतर्गत जव्हार येथे क्रीडा स्पर्धांचे आयोजन
पालघर जिल्हा प्रतिनिधी :- सुनिल जाबर
ग्रामीण विकासाचा ध्यास ठेवून तालुक्यातील ग्रामीण भागामध्ये लोकपयोगी कामांच्या सोबतच ग्रामीण भागातील जनता विकासाच्या मुख्ख प्रवाहात कशी आणता येईल या उद्देशाने ग्रामीण भागामध्ये काम करणारी केशव सृष्टी या संस्थेच्या ग्रामविकास योजनेअंतर्गत माधव संस्कार केंद्राच्या माध्यमातून तुलसी दिनाचे औचित्य साधून दिनांक २५ डिसेंबर २०२२ रोजी जव्हार ( शिरपामाळ) येथील दिव्य विद्यालयाच्या प्रनंगणात ग्रामीण भागातील विद्यार्थ्यांसाठी विविध स्पर्धांचे आयोजन करण्यात आले होते.ग्रामीण भागातील मुलांच्या अंगी असलेल्या कला व गुणांना वाव मिळवून देण्यासाठी प्रमिलाताई कोकड यांच्या उपस्थित भारत मातेच्या व बिरसा मुंडा प्रतिमेचे पूजन करून क्रीडा स्पर्धांची सुरुवात करण्यात आली.
या स्पर्धेमध्ये १४ माधव संस्कार केंद्रानी सहभाग घेवून जवळपास २०० मुलांची आपल्या अंगी असलेल्या कलागुण व कौशल्य दाखवून दिले या स्पर्धेमध्ये लंगडी ,खो खो , रिले व बटाटा शर्यंत सारख्या खेळांचा समावेश केला होता अनुक्रमे खो खो स्पर्धेत प्रथम क्रमांक खुदेड तर दुसरा क्रमांक दापटी ,लंगडी मध्ये रामनगर व जयेश्र्वर ,बटाटा स्पर्धेत वाकीचामाळ व रामनगर तर रीलेमध्ये जयेश्वर आणि वकीचामाळ या माधव संस्कार केंद्रांनी विजय संपादन केला .सर्व विजय संघांना केशव सृष्टी संस्थेच्या ग्राम विकासाच्या प्रमुख अनिता कुलकर्णी तसेच ग्राम विकास जव्हार केंद्राचे प्रमुख कैलास कुरकुटे यांच्या हस्ते प्रमाणपत्र व ट्रॉफी देवून विजय संघाचा सत्कार करण्यात आला.
