वंदनीय बाळासाहेब ठाकरे वैद्यकीय सहाय्यता जव्हार तालुका कक्ष प्रमुख पदी ॲड.पारस सहाणे यांची निवड.
जव्हार प्रतिनिधी - दिनेश आंबेकर -
जव्हार - महाराष्ट्र शासनाच्या आरोग्य विभागाच्या सर्व योजनांचा लाभ गरजूवंत, गरीब, शेतकरी, कष्टकरी, मायबाप - भगिनी, गरोदर माता, लहान बालके, अबाल वृद्ध रुग्णांना योग्य रित्या मिळावा व आरोग्य शासनाच्या सर्व योजना वरील सर्व घटकांपर्यंत योग्यरित्या पोचाव्या याकरिता
वंदनीय बाळासाहेब ठाकरे शिवसेना वैद्यकीय सहाय्यता व मुख्यमंत्री वैद्यकीय सहाय्यता जव्हार तालुका वैद्यकीय सहाय्यता कक्षप्रमुख पदी ॲड.पारस संजय सहाणे यांची दिनांक १/१२/२०२२ रोजी शिवसेना वैद्यकीय मदत कक्ष च्या ५ व्या वर्धापन दिनाचे औचित्य राज्याचे मुख्यमंत्री एकनाथ शिंदे यांच्या हस्ते नियुक्ती पत्र देउन नियुक्ती करण्यात आली.
यावेळी खासदार डॉ श्रीकांत शिंदे, मुख्यमंत्री वैद्यकीय मदतकक्ष प्रमुख मंगेश चिवटे, उद्योग मंत्री ना. उदय सामंत, पाणीपुरवठा मंत्री ना. गुलाबराव पाटील, राज्यमंत्री प्रकाश निकम - अध्यक्ष पालघर जिल्हा परिषद, खासदार धेर्यशील माने, आमदार प्रताप सरनाईक, बाळासाहेबांची शिवसेना पालघर जिल्हा प्रमुख वसंत चव्हाण, शिवक्रांती संघटनेचे अध्यक्ष पत्रकार शरद पाटील, कक्ष प्रमुख राम राऊत, वैद्यकीय मदतकक्ष पालघर जिल्हा प्रमुख निकी नाईक आदी मान्यवर उपस्थित होते.
यावेळी नवनियुक्त पदाधिकारी यांनी निपक्ष स्वरूपात जात, धर्म, पंत न बघता आलेल्या रुग्णांना निस्वार्थ पणाने रुग्ण सेवा देण्याची प्रतिज्ञा घेतली. नवनियुक्त पदाधिकारी यांना वरील सर्व मान्यवरांनी शुभेच्छा दिल्या.जनसेवा हीच ईश्वर सेवा या सुविचार प्रमाणे कार्य करेन . जव्हार मोखाडा तालुक्यात आरोग्य सेवेचा मोठया प्रमाणात बोजवारा उडाला आहे. आदिवासी बांधव व इतर नागरीकांना आरोग्यसेवा मिळवून देण्याचे काम करेन.
- ॲड.पारस सहाणे
-वंदनीय बाळासाहेब ठाकरे वैद्यकीय सहाय्यता जव्हार तालुका प्रमुख.
