करकंब:-प्रतिनिधी
करकंब ग्रामपंचायत, शिवसेना व युवा सेना यांच्यावतीने करकंब ग्रामपंचायत कार्यालयात थोर स्वातंत्र्य सेनानी नेताजी सुभाषचंद्र बोस व हिंदूहृदय सम्राट शिवसेनाप्रमुख स्वर्गीय बाळासाहेब ठाकरे यांच्या जयंतीनिमित्त प्रतिमेस उपस्थित मान्यवरांनी विनम्र अभिवादन करून प्रतिमांचे पूजन केले यानिमित्त करकंब येथे विविध सामाजिक उपक्रमाचे आयोजन करण्यात आले.
यावेळी उपसरपंच आदिनाथ देशमुख, महाराष्ट्र नवनिर्माण सेनेचे जिल्हा उपाध्यक्ष महेंद्र पवार, रिपब्लिकन पार्टी ऑफ इंडियाचे नेते प्रदीप खंकाळ, प्रा.सतीश देशमुख, ग्रामपंचायत सदस्य अशोक जाधव, शिवसेना उपतालुकाप्रमुख संतोष धोत्रे, बंडू धोत्रे, नवनाथ नलावडे, शहर प्रमुख दत्ता पेटकर, उपशहर प्रमुख दत्ता शिंदे, घाटुळे वस्ती शाखाप्रमुख धनंजय घाटुळे,यांच्यासह शिवसैनिक व ग्रामस्थ मोठ्या संख्येने उपस्थित होते. करकंब येथील घाटुळे वस्ती येथेही येथे हिंदुहृदय सम्राट शिवसेनाप्रमुख स्व. बाळासाहेब ठाकरे यांच्या प्रतिमेचे पूजन करून जयंती साजरी करण्यात आली.
