हिमायतनगरात दक्षिण आफ्रिकेतून आलेल्या दोघांचे अहवाल ओमायक्रॉन पॉजिटीव्ह
नागरिकांनी कोरोना नियमांचे पालन करून लसीकरण करून घ्यावे - डॉ.निळकंठ भोसीकर
हिमायतनगर प्रतिनिधी/जांबुवंत मिराशे
हिमायतनगर शहरासह नांदेड जिल्ह्यात विदेशातून ३०२ जण दाखल झाले होते. या सर्वांचे आरटीपीसीआर टेस्ट करण्यात आल्यानंतर त्यापैकी हिमायतनगर येथील तिघांचे अहवाल कोरोना पॉजिटीव्ह आल्याने या तीन संशयित रुग्णाचे जीनोम सिक्वेन्सिंग पुण्यातील प्रयोग शाळेत तपासणीसाठी पाठविण्यात आले होते. हा अहवाल येण्यासाठी तब्बल ५ दिवसाचा वेळ लागला, दरम्यान नांदेड जिल्ह्यातील हिमायतनगर शहरातील तीन पैकी त्या दोन कोरोना बाधीत रुग्णाचे सोक्वेन्सिंग अहवाल ओमायक्रॉन बाधीत असल्याचा आज प्राप्त झाला आहे. जिल्हा शल्यचिकित्सक डॉ.नीलकंठ भोसीकर यांच्या स्वाक्षरीने निर्गमित करण्यात आले आहे.
