अध्यक्षपदी हरिदास इंगोलकर, उपाध्यक्ष संदेश कांबळे,संदीप पेंटेवाड, तर सचिवपदी गजानन वानखेडे.
उमरखेड प्रतिनिधी:- संजय जाधव
राज्यातील पत्रकारांच्या न्याय व हक्कासाठी लढणाऱ्या एकमेव अशा प्रेस संपादक व पत्रकार सेवा संघाच्या उमरखेड कार्यकारणीची बैठक काल उमरखेड येथे विश्रामगृहावर पार पडली. या बैठकीमध्ये तालुक्याच्या नवीन कार्यकारिणीची निवड करण्यात आली. संघटनेचे जिल्हाध्यक्ष अनिल राठोड यांनी की कार्यकारणी घोषित केली. यात मुळावा येथील पुण्यनगरीचे पत्रकार हरिदास इंगोलकर यांची सर्वानुमते उमरखेड तालुका अध्यक्षपदी निवड करण्यात आली तर उपाध्यक्ष म्हणून संदेश कांबळे,संदीप पेंटेवाड तर सचिवपदी गजानन वानखेडे यांची निवड घोषित करण्यात आली.
प्रेस संपादक व पत्रकार सेवा संघ ही राज्यातील पत्रकारांसाठी नेहमी झटत राहणारी संघटना आहे. संघटनेचे संस्थापक अध्यक्ष डी टी आंबेगावे नेहमीच पत्रकारांच्या मागे ठाम पणे उभे असतात व त्यांच्या हक्कांसाठी लढतात. या बैठकीला यवतमाळ जिल्हा अध्यक्ष अनिल राठोड, उदय पुंडे, गजानन गंजेवाड,विवेक जळके,सुनील ठाकरे , मोहन कळमकर,मारुती गव्हाळे,सविता चंद्रे,अर्चना भोपळे, इत्यादी संघटनेचे पदाधिकारी उपस्थित होते.
